/42/ audita non intellecta, ad instar picae aut psittaci,
effutiat, vel intellecta iam nixu quodam
spirituum atque concursu ad linguam proferat?
EXERCITATIO VII
Ex responsis Sibyllinis providentiam Aeterni Numinis confirmat.
Futuros eventus Sibyllae pronunciabant,
idque non ex ephemeridum contemplatione,
multo minus ex interrogationum
scientia, quam professus est Albumazar. Divino
igitur ac supernaturali afflatu permotae,
id praestabant, quare fatendum est sane a coelesti
aliquo numine regi haec nostratia atque
temperari. Innuit hoc argumento Aristoteles, in libro 2. Ad
Eudemium Plutarchus, in libro Cur oracula esse desierint,
respondet falsam esse consecutionem,
utpote non ex integra partium enumeratione
illatam. Quare divinandi potestatem in
vini terrae transfert, in vaporem scilicet antri
Delphici, ubi Sibyllae responsa dabant.
Probat, quia cum Apollinis antri vapor ab
initio violentior esset, maiori cum impetu
ad futurorum praedictionem vatis animum
impellebat: quare tunc temporis oraculorum
responsa carminibus edebantur. Cum autem
vaporis vis impetus paulatim diminueretur,
Indice
|
Pagine introduttive |
|
EXERCITATIONES |